«Алтын күз» мерекесі аясында «Күзгі базар» байқауы ұйымдастырылды
Абай атындағы жалпы білім беретін мектепте «Алтын күз» мерекесі аясында жоғары сынып оқушылары арасында «Күзгі базар» атты мерекелік байқау ұйымдастырылды.
Іс-шараның негізгі мақсаты – оқушыларды еңбекқорлыққа, кәсіпкерлікке, ұйымшылдыққа тәрбиелеу, шығармашылық қабілеттерін дамыту және ұлттық құндылықтарды дәріптеу.
Мерекелік байқау барысында оқушылар күз мезгілінің молшылығын бейнелейтін түрлі жеміс-жидектерді, көкөністерді, үй жағдайында дайындалған тағамдар мен тәттілерді ұсынып, өздерінің тапқырлығы мен шығармашылық шеберліктерін көрсетті.
«Күзгі базар» оқушылардың өзара ынтымақтастығын нығайтып, сауда мәдениеті мен қаржылық сауаттылық туралы түсініктерін кеңейтуге ықпал етті.
Аталған іс-шара мектеп өміріне ерекше мерекелік көңіл күй сыйлап, оқушылардың белсенділігі мен бастамашылдығын арттырды.
Алтын күз – береке мен молшылықтың, еңбек пен бірліктің мерекесі!