МЕКТЕП ЖҮРЕГІ – МЕЙІРІМ МЕН ЖАУАПКЕРШІЛІКТЕ»
Мектебімізде кіші қызметкерлерге арналған «Мектеп жүрегі – мейірім мен жауапкершілікте» тақырыбында оқыту жұмысы мен психологиялық тренинг өткізілді.
Іс-шараның мақсаты – мектеп қызметкерлерінің кәсіби жауапкершілігін арттыру, ұжымда жағымды психологиялық ахуал қалыптастыру, өзара сыйластық пен ынтымақтастықты нығайту, сондай-ақ білім алушылармен қарым-қатынаста мейірімділік пен әдептілік қағидаларын сақтау мәдениетін дамыту.
Оқыту жұмысы барысында қызметкерлерге мектептегі қауіпсіз және қолайлы орта қалыптастыру, оқушылармен дұрыс қарым-қатынас орнату, қызметтік әдепті сақтау және өз міндеттеріне жауапкершілікпен қарау мәселелері түсіндірілді.
Сонымен қатар мектеп психологының ұйымдастыруымен психологиялық тренинг өткізіліп, қатысушылар өзара сенімділік, бір-бірін қолдау, жағымды қарым-қатынас орнату және ұжымдық бірлікті нығайтуға бағытталған практикалық тапсырмалар орындады.
Іс-шара барысында әрбір қызметкердің мектеп өміріндегі орны ерекше екендігі, мейірімділік пен жауапкершілік қауіпсіз әрі жайлы білім беру ортасын қалыптастырудың маңызды негізі екендігі атап өтілді.
Мейірімді орта – берекелі ұжым, ал жауапкершілік – қауіпсіз мектеп кепілі!