«Заң мен тәртіп» апталығы аясында тәрбиелік іс-шаралар ұйымдастырылды
Абай атындағы жалпы білім беретін мектепте «Адал азамат» біртұтас тәрбие бағдарламасы аясында «Заң мен тәртіп» апталығына арналған тәрбиелік іс-шаралар ұйымдастырылды.
Апталықтың негізгі мақсаты – оқушылардың құқықтық сауаттылығын арттыру, заңға құрметпен қарауға тәрбиелеу, құқық бұзушылықтың алдын алу және қауіпсіз білім беру ортасын қалыптастыру.
Апталық барысында оқушыларға заң талаптарын сақтау, өз құқықтары мен міндеттерін білу, қоғамдық тәртіпті құрметтеу, буллинг пен зорлық-зомбылықтың алдын алу мәселелері бойынша түсіндіру жұмыстары жүргізілді.
Тәрбиелік жұмыстар оқушылардың құқықтық мәдениетін қалыптастыруға, жауапкершілік сезімін арттыруға және саналы азаматтық ұстанымын дамытуға бағытталды.
Заңға құрмет – тәртіптің негізі, тәртіп – қауіпсіз қоғамның кепілі!