«Қауіпсіз қоғам»
А.Асылбеков атындағы ЖББ мектебінде «Қауіпсіз қоғам» тақырыбында маңызды тәрбие сағаты өтті. Іс-шараның басты мақсаты – оқушыларға қауіпсіз мінез-құлық дағдыларын қалыптастыру, құқықтық сауаттылықтарын арттыру және қоғам алдындағы жауапкершілікті сезіндіру.
Сынып сағаты барысында:
Қоғамдық орындардағы қауіпсіздік ережелері; Интернеттегі қауіпсіздік мәдениеті; Құқық бұзушылықтың алдын алу; Заң талаптарын сақтау маңыздылығы талқыланды.
Оқушылар өз ойларын ортаға салып, түрлі жағдаяттарды талдап, қауіпсіз қоғам құру әр азаматтың міндеті екенін түсінді.
Қазақстан Республикасының негізгі заңы – Қазақстан Республикасының Конституциясы әр азаматтың құқығы мен қауіпсіздігін қорғауға кепілдік береді. Сондықтан әрқайсымыз заңды құрметтеп, тәртіп сақтауға атсалысуымыз қажет.
Қауіпсіз қоғам – саналы ұрпақтың қолында!
