2023 жылы 29 қараша күні, «Зорлық-зомбылыққа қарсы 16 күн белсенділік» аясында мектебіміздің педагог-психологы А.Б.Жусупова жылдық жоспарға сәйкес «Аутодеструктивті және бейәлеуетті жүріс тұрыстың алдын алу» мақсатында мектебіміздің ұстаздары мен мектеп қызметкерлерінің қатысуымен тренинг өткізді.

Тренинг - психологиялық бағыт беру мақсатында аутодеструктивті мінез-құлық – адамның қалыпты дамуына, дене бітімі мен психологиялық денсаулығына қауіп төндіретін мінез-құлық екендігі, қазіргі таңда қоғамда аутодеструктивті мінез-құлықтың көптеген түрлері таралып жатқаны, оны түзету жолдары ғана емес, алдын-алу шаралары да маңызды роль атқаратындығы туралы баяндалды. Тренинг барысында «Соңғы уақыт» бейне фильмі көрсетіліп, қатысушылардын ой-пікірлері талқыланды. «Сағат бойынша достар» жаттығуы жүргізілді. Римдік философ Сенеканың: «Әрбір адам өмірінің тек кейбір жақтарын ойлап талдайды, бірақ ешкім жалпы өмір туралы ойланбайды» деген ой-пікіріне сүйене отырып, девиацияға коррекция жасаушы әрбір маман ұстаз, баланың тек кейбір мінездік кемшіліктерін түзетіп қана қоймай, оларды, қоғамдық өмірдің талаптарымен ұштасқан дұрыс қарым-қатынас жолына қайтып әкеліп, ары қарай қалыптаса дамуына, әлеуметтенуіне көмектесуі қажет.

#нұраауданыбілімбөлімі