2026 жылғы 18 ақпанда Қарағанды облысы білім басқармасының Приозерск қаласы білім бөлімінің №1 жалпы білім беретін мектебі» КММ-де «Тұмар» қыздар ұйымының жетекшісі А.Утешованың ұйымдастыруымен 10-сынып қыздары арасында «Жеке шекара деген не және оны қалай қорғауға болады?» тақырыбында тәрбиелік мәні зор пікір алмасу өткізілді. Мақсаты: оқушыларға жеке шекара ұғымын түсіндіру, өз құқықтарын құрметтеу және өзгелердің шекарасына сыйластықпен қарау дағдыларын қалыптастыру.

     Пікір алмасу барысында «жеке шекара» ұғымының түрлері талқыланды. Қатысушылар күнделікті өмірде кездесетін түрлі жағдаяттарды мысалға келтіріп, өз ойларымен бөлісті. Сондай-ақ, «жоқ» деп айту мәдениеті, қысымға қарсы тұру, өз пікірін сенімді жеткізу жолдары қарастырылды. Іс-шара соңында қыздар өз қауіпсіздігі мен өзін-өзі құрметтеудің маңыздылығын атап өтіп, алған ақпараттың өмірде қажет болатынын жеткізді.