Қарағанды облысы білім басқармасының Приозерск қаласы білім бөлімінің «№1 жалпы білім беретін мектебі» КММ-де бастауыш сыныптың үздік оқушылары марапатталып, оқу озаттарына құрмет көрсетілді. Салтанатты шара барысында оқу жылы бойы білім мен тәрбиеде жоғары нәтижеге қол жеткізген оқушыларға алғыс білдіріліп, жетістіктері ерекше аталып өтті. Сонымен қатар, бастауыш буынмен қоштасқан түлектерге ақ жол тілеп, алдағы білім сапарларына сәттілік, биік белестер мен жаңа жетістіктер тіледік. Мектеп ұжымы барлық оқушыларға жарқын болашақ, үздік оқу және толағай табыс тілейді!