«Бала тәрбиесі – ортақ міндет: білім, тәрбие және қауіпсіздік» ???? Міржақып Дулатұлы атындағы жалпы білім беретін мектептің 5–7 сыныптарында І тоқсанның қорытындысына арналған ата-аналар жиналысы өткізілді. Жиналыс барысында І тоқсандағы оқушылардың оқу
«Бала тәрбиесі – ортақ міндет: білім, тәрбие және қауіпсіздік»
Міржақып Дулатұлы атындағы жалпы білім беретін мектептің 5–7 сыныптарында І тоқсанның қорытындысына арналған ата-аналар жиналысы өткізілді.
Жиналыс барысында І тоқсандағы оқушылардың оқу үлгерімі, білім сапасы, сабаққа қатысуы, тәртібі мен тәрбиесіне қатысты маңызды мәселелер қарастырылды.
Сонымен қатар оқушылардың жасөспірімдік кезеңдегі мінез-құлық ерекшеліктері, мектеп пен ата-ана арасындағы ынтымақтастық, интернет пен әлеуметтік желілердегі қауіпсіздік мәселелері талқыланды.
Күзгі демалыс кезінде балалардың бос уақытын тиімді ұйымдастыру, жол қозғалысы ережелерін сақтау, өрт қауіпсіздігі, құқықбұзушылықтың алдын алу және ата-аналардың жауапкершілігі туралы түсіндіру жұмыстары жүргізілді.
Жиналыс соңында ата-аналармен пікір алмасып, алдағы ІІ тоқсанға арналған міндеттер айқындалды.
Бала тәрбиесіндегі табыстың басты кепілі – мектеп пен ата-ананың бірлігі, өзара сенімі және ортақ жауапкершілігі!
