10-11 сыныптардың қатысуымен "Сатпаевтың өмірі мен еңбек жолдары" атты дөңгелек үстел өткізілді.
А.Асылбеков атындағы жалпы білім беретін мектебінде "Ғылым және технология" атты жаратылыстану-ғылыми сауаттылық апталығы аясында 10-11 сыныптардың қатысуымен "Сатпаевтың өмірі мен еңбек жолдары" атты дөңгелек үстел өткізілді. Мақсатты: шығармашылық қабілеттерін дамыту. Шара барысында оқушыларға, Қаныш Имантайұлының өмірінен сыр шертетін үзінді бейнебаяндар көрсетілді.
Бүгін оқушылар қазақтан шыққан тұңғыш академик Қаныш Сәтпаевтың өмірбаянымен, ғылыми еңбектерімен, қоғамдық жұмысымен танысты. Ғалымның құрметіне арналған іс-шараға қатысқан оқушылар айтылған әңгімелерді тыңдап, үлкен әсер алды. Іс-шараның соңында оқушыларға Қаныш Сәтпаев жайлы айтылған мағұлматтар бойынша сұрақтар қойылып, оқушылар сұрақтарға мүдірмей жауап берді.
