Ж. Аймауытұлы атындағы негізгі орта мектебі КММ жанындағы «Балбөбек» шағын орталығында «Тіл әлеміне саяхат – білімге қанат қағу» тақырыбында коммуникативті сауаттылық апталығы басталды.
Апталықтың мақсаты – балалардың сөздік қорын байыту, байланыстырып сөйлеу қабілетін дамыту, өз ойын еркін жеткізуге және көркем сөзге деген қызығушылығын арттыру.
Апталықтың алғашқы күні балалармен қызықты әрі танымдық іс-шаралар ұйымдастырылды.
«Тіл әлеміне саяхат – білімге қанат қағу» атты ойын-сауық барысында балалар ертегілер әлеміне саяхат жасап, қызықты тапсырмалар орындады.
«Сурет сыр шертеді» шығармашылық жұмысында балалар қиылған ертегі суреттерін ретімен орналастырып, шағын кітапшалар (буклеттер) жасады.
«Күзгі көрініс – көркем сөзбен» іс-әрекетінде балалар мнемокесте арқылы күз мезгілінің ерекшеліктерін сипаттап, суреттердің көмегімен тақпақ жаттады.