Абай ауданы білім бөлімінің «Абай атындағы тірек мектебі (ресурстық орталық)» КММ 2025 жылдың 1 сәуірінен бастап, 2025-2026 оқу жылына -бірінші сыныпқа қабылдау үшін құжаттарды қабылдауды бастайды. Оқыту тілі–қазақша.
Бірінші сыныпқа алты жасқа толған, ағымдағы күнтізбелік жылы алты жасқа толатын балалар қабылданады, яғни қыркүйек-желтоқсан айларында туылғандар бірінші сыныпқа бара алады, өйткені күнтізбелік жылдың соңына дейін олар толық алты жасқа жетеді және мектепке қабылдануға құқылы.
Мемлекеттік қызмет көрсету тәсілдері:
1) "электрондық үкіметтің" веб-порталы www.egov.kz;
2) көрсетілетін қызметті берушіде (мектепте).
Мемлекеттік қызмет көрсету үшін қажетті құжаттар тізбесі:
1) ата-анасының немесе өзге де заңды өкілдерінің өтініші;
2) "денсаулық сақтау саласындағы есепке алу құжаттамасының нысандарын, сондай-ақ оларды толтыру жөніндегі нұсқаулықтарды бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы ҚР ДСМ-175/2020 бұйрығымен бекітілген "профилактикалық егулер картасы" № 065/у нысанындағы және "бала денсаулығы паспорты" № 052-2/у нысанындағы медициналық анықтамалар (нормативтік құқықтық актілерді мемлекеттік тіркеу тізілімінде № 21579 болып тіркелген);
Құжаттарды қабылдау 2025 жылғы 31 тамызға дейін жүзеге асырылады
Жұмыс кестесі:
1) көрсетілетін қызметті берушіде – Қазақстан Республикасының 2015 жылғы 23 қарашадағы Еңбек кодексіне (бұдан әрі-Кодекс) сәйкес демалыс және мереке күндерін қоспағанда, белгіленген жұмыс кестесіне сәйкес дүйсенбіден жұмаға дейін сағат 13.00-ден 14.30-ға дейінгі түскі үзіліспен сағат 9.00-ден 18.30-ға дейін.
2) порталда – жөндеу жұмыстарын жүргізуге байланысты техникалық үзілістерді қоспағанда, тәулік бойы (көрсетілетін қызметті алушы жұмыс уақыты аяқталғаннан кейін, кодекске сәйкес демалыс және мереке күндері жүгінген кезде өтініштерді қабылдау және Мемлекеттік қызмет көрсету нәтижелерін беру келесі жұмыс күні жүзеге асырылады).
Мекен-жайы: Абай ауданы, Топар кенті, Н.Әбдіров көшесі, 11Г.
Байланыс телефоны: 87215332097
