Міржақып Дулатұлы атындағы жалпы білім беретін мектептің «Достық» жазғы лагерінің оқушылары мен «Айгөлек» шағын орталығының бүлдіршіндері 4 маусым – Қазақстан Республикасының Мемлекеттік рәміздер күніне орай ұйымдастырылған мерекелік іс-шараға қатысып, еліміздің Мемлекеттік Гимнін салтанатты түрде орындады. Жас ұрпақтың бойында отансүйгіштік сезімді қалыптастыруға бағытталған бұл шара барысында балалар мемлекеттік рәміздерге құрмет көрсетіп, елге деген сүйіспеншіліктерін білдірді.