«Рәміздерім – мақтанышым» 4 маусым – Қазақстан Республикасының Мемлекеттік рәміздер күніне орай «Достық» жазғы лагерьінде «Рәміздерім – мақтанышым» тақырыбында танымдық іс-шара өткізілді. Іс-шара барысында тәрбиеленушілерге Қазақстан Республикасының Мемле
«Рәміздерім – мақтанышым»
4 маусым – Қазақстан Республикасының Мемлекеттік рәміздер күніне орай «Достық» жазғы лагерьінде «Рәміздерім – мақтанышым» тақырыбында танымдық іс-шара өткізілді.
Іс-шара барысында тәрбиеленушілерге Қазақстан Республикасының Мемлекеттік Туы, Елтаңбасы және Әнұраны туралы бейнеролик көрсетіліп, мазмұнды презентация ұсынылды. Балалар мемлекеттік рәміздердің шығу тарихы, авторлары және олардың маңызы туралы құнды мәліметтермен танысты.
Шараның мақсаты – жас ұрпақтың бойында отансүйгіштік қасиеттерді қалыптастыру, мемлекеттік рәміздерге деген құрмет сезімін арттыру, ел тарихы мен ұлттық құндылықтарды дәріптеу.
Танымдық шара барысында оқушылар өз ойларымен бөлісіп, рәміздердің тәуелсіз еліміздің басты нышандары екенін атап өтті. Іс-шара тәрбиелік мәні зор, мазмұнды әрі әсерлі өтті.
