Іс-шараның мақсаты – оқушылардың құқықтық және психологиялық сауаттылығын арттыру, зиянды әдеттердің, соның ішінде нашақорлықтың адам өмірі мен денсаулығына тигізетін зиянын түсіндіру, буллинг пен зорлық-зомбылықтың алдын алу. Сонымен қатар оқушыларды өз өмірін бағалауға, салауатты өмір салтын ұстануға, дұрыс таңдау жасап, жағымсыз әрекеттерден аулақ болуға тәрбиелеу.

Фильм көрсетілімінен кейін оқушылармен талқылау ұйымдастырылып, олардың пікірлері тыңдалды. Әңгіме барысында нашақорлықтың, буллингтің және құқықбұзушылықтың адам өміріне тигізетін кері әсері айтылып, мұндай жағдайлардың алдын алу үшін өзара сыйластық, қолдау және жауапкершілік маңызды екені түсіндірілді. Іс-шара оқушыларға ой салып, олардың өмірге деген көзқарасын қалыптастыруға ықпал етті.