Міржақып Дулатұлы атындағы ЖББМ-де Ата-аналарды педагогикалық қолдау орталығының бағдарламасы аясында «Ішкі күш» тренингтік бағдарламасы негізінде ата-аналарға арналған жиналыс өткізілді. Жиналыс барысында «Тәжірибені ұғыну және ішкі күш» және «Жасөспірім
Міржақып Дулатұлы атындағы ЖББМ-де Ата-аналарды педагогикалық қолдау орталығының бағдарламасы аясында «Ішкі күш» тренингтік бағдарламасы негізінде ата-аналарға арналған жиналыс өткізілді. Жиналыс барысында «Тәжірибені ұғыну және ішкі күш» және «Жасөспірімді зорлық-зомбылықтан қорғаудың негізі – сенім және жеке шекараға құрмет» тақырыптары кеңінен талқыланды.
Іс-шараның мақсаты – ата-аналардың бала тәрбиесіндегі жауапкершілігін арттыру, жасөспірімдердің психологиялық қауіпсіздігін қамтамасыз ету, ата-ана мен бала арасындағы сенімді қарым-қатынасты нығайту болып табылады. Кездесу барысында ата-аналарға жасөспірімдердің ішкі жан дүниесін түсіну, олардың эмоциялық жағдайына назар аудару, қиын жағдайларда қолдау көрсету жолдары түсіндірілді.
Сонымен қатар, жасөспірімдерді зорлық-зомбылықтың кез келген түрінен қорғау үшін сенімге негізделген қарым-қатынас орнатудың, баланың жеке шекарасын құрметтеудің маңыздылығы айтылды. Тренинг барысында ата-аналар пікір алмасып, түрлі жағдаяттық тапсырмалар орындап, өз тәжірибелерімен бөлісті.
Жиналыс ата-аналар үшін пайдалы ақпарат пен тәжірибе алмасуға мүмкіндік беріп, бала тәрбиесінде өзара түсіністік пен қолдаудың маңыздылығын тағы бір мәрте көрсетті.
