Іс-шараның мақсаты:

Оқушыларға банк туралы түсінік беру, депозиттің мәні мен оның пайдасын түсіндіру, қаржылық сауаттылықты қалыптастыру, ақшаны дұрыс жинақтау мен тиімді басқаруға үйрету.

Сабақ барысында оқушылар банктің негізгі қызметтерімен танысты. Атап айтқанда, банктің ақша сақтайтын қауіпсіз орын екені, төлем жасауға, ақша аударуға, несие алуға және депозит ашуға мүмкіндік беретін қаржы ұйымы екені түсіндірілді. Содан кейін «Депозит деген не?» тақырыбы талқыланып, оқушыларға депозиттің – банкке белгілі бір уақытқа ақша салу екенін, ол ақшаға банк пайыз қосып отыратынын, осылайша қаражаттың қауіпсіз сақталып қана қоймай, көбейетінін білдіретіні түсіндірілді.