«Табиғат зерттеушілері күні» аясында өте қызықты әрі танымдық іс-шараларға толы болды. Бұл күні балалар табиғатты тереңірек танып, зерттеу дағдыларын дамытуға бағытталған түрлі белсенділіктерге қатысты. Алдымен «Қазына іздеу» атты экологиялық квест ойыны ұйымдастырылып, балалар топпен жұмыс жасап, тапсырмаларды орындау арқылы табиғат туралы білімдерін көрсетті.

Келесі бөлімде экологиялық жағдайларға байланысты «Біздің қайың мен шырша не туралы ойлайды?», «Орман неге өліп жатыр?», «Қызғалдақ пен бәйшешекті қалай сақтау керек?» деген сұрақтар төңірегінде пікір алмасып, табиғатты қорғау туралы ойларын ортаға салды. Бұл балалардың экологиялық санасын қалыптастыруға үлкен әсер етті.

Сонымен қатар «Су, құм, саз, ауа» тақырыбында тәжірибелер жүргізіліп, балалар ғылыми-зерттеу жұмыстарына қызығушылық танытты. Әртүрлі тәжірибелер арқылы табиғи құбылыстарды түсініп, өз бетімен қорытынды жасауға үйренді.