2026 жылғы 21 қыркүйекте М. Жұмабаев атындағы жалпы білім беретін мектеп-гимназиясының ұйымдастыруымен 5–6 сынып оқушылары арасында шағын футболдан «Мектеп лигасының» аймақтық кезеңі өткізілді.
Жарысқа аймақтың 4 мектебінен жалпы 65 оқушы қатысты. Атап айтқанда: М. Жұмабаев, Ш. Уәлиханов, Ы. Алтынсарин және Қарой жалпы білім беретін мектептері. Жарыс Нұра стадионында ұйымдастырылды.
Ұлдар арасында I орынды М. Жұмабаев атындағы мектеп-гимназиясы, II орынды Ы. Алтынсарин тірек мектебі, III орынды Ш. Уәлиханов атындағы мектеп иеленді.
Қыздар арасында I орынды Ы. Алтынсарин тірек мектебі, II орынды Ш. Уәлиханов атындағы мектеп, III орынды М. Жұмабаев атындағы мектеп-гимназиясы алды.
Жарыс оқушылардың спортқа деген қызығушылығын арттырып, салауатты өмір салтын насихаттауға және командалық рухты қалыптастыруға бағытталды.
