Мейірім мен махаббаттың мерекесі ????
Бүгін мектебімізде 2 «Ә» сынып оқушылары мен олардың ардақты әкелерінің қатысуымен аналарға арналған ерекше мерекелік іс-шара өтті. «Мейірім мен махаббаттың мерекесі» атты концерттік кеш өте әсерлі әрі жылы атмосферада өтті.
Кеш барысында әкелерімен қыздары әсем ән шырқап, ұлдарымен бірге көңілді би биледі. Балалардың ақ көңіл тілектері мен жүрекжарды сөздері аналардың жүздеріне қуаныш сыйлады.
Шара соңында оқушылар аналарына гүл шоқтарын сыйлап, аналарға деген құрметі мен махаббаттарын білдірді. Бұл кеш барша қатысушылардың жүрегінде жылы әсер қалдырып, мейірім мен сыйластыққа толы керемет сәттерге ұласты.
Аналарымыз аман болсын, шаңырақтарымыз шаттыққа толы болсын! ????