5 күндік оқу-дала жиыны басталды

Мектебімізде 18–22 мамыр күндері аралығында 10-сынып оқушылары арасында дәстүрлі 5 күндік оқу-дала жиыны басталды. Аталған жиын алғашқы әскери және технологиялық дайындық пәні аясында ұйымдастырылып, оқушылардың әскери-патриоттық тәрбиесін қалыптастыруға, жауапкершілік пен тәртіпке баулуға бағытталған. Жиын барысында 10-сынып ер балалары саптық дайындық, әскери жарғылармен танысу, алғашқы медициналық көмек көрсету, төтенше жағдайлар кезіндегі іс-әрекеттер, қорғаныс құралдарын пайдалану және дене даярлығы бойынша тәжірибелік сабақтардан өтеді. Ал қыз балалар мектеп медбикесімен бірге алғашқы медициналық көмек көрсету, адам денсаулығын сақтау, жарақат кезіндегі көмек түрлері мен қауіпсіздік ережелері бойынша арнайы сабақтарға қатысады. Бұл сабақтар оқушылардың өмірлік дағдыларын қалыптастырып, кез келген жағдайда дұрыс әрекет етуге үйретеді. Жиынның алғашқы күнінде қауіпсіздік ережелері түсіндірілді. Осындай тағылымы мол іс-шаралар жас ұрпақтың патриоттық рухын көтеріп, ұйымшылдыққа, батылдыққа және елжандылыққа тәрбиелеуде ерекше маңызға ие.