20-21 қарашада мектебімізде

«Ашық есік күні» аясында (Бала құқықтарының сақталуын қамтамасыз ету тақырыбында) психолог Кратович Е.М. мен әлеуметтік педагог Аргимбаева И. С. ата-аналарға және оқушыларға бала құқықтарын қорғау мәселелері бойынша консультациялық көмек көрсетті. Кездесу барысында мамандар Қазақстан Республикасының «Бала құқықтары туралы» заңына сәйкес оқушылардың негізгі құқықтары, қауіпсіз білім беру ортасын қамтамасыз ету талаптары және отбасындағы қолдау мен түсіністіктің маңызы түсіндірілді.

Сонымен қатар ата-аналарға баланың эмоциялық жағдайын бақылау, қауіпсіз мінез-құлық дағдыларын қалыптастыру, мектеп пен отбасы арасындағы тиімді байланыс жолдары бойынша ұсыныстар берілді. Әлеуметтік педагог әлеуметтік қолдау түрлері мен қажетті жағдайда қолданылатын қорғау механизмдері туралы ақпарат ұсынды.

Консультация ашық диалог форматында өтіп, қатысушылар өз сұрақтарын қойып, практикалық кеңестер алды. Іс-шараның басты мақсаты — бала құқықтарының сақталуын нығайту және ата-ана, мектеп, мамандар арасындағы ынтымақтастықты арттыру.