4 мамыр күні М.Дулатұлы атындағы жалпы білім беретін мектебінде «Зерде» республикалық зерттеу жобалары мен шығармашылық жұмыстар конкурсының мектепішілік кезеңі өтті. Аталған байқауға 8 оқушы өздерінің ғылыми жобаларын ұсынып, білімге деген қызығушылықтар
4 мамыр күні М.Дулатұлы атындағы жалпы білім беретін мектебінде «Зерде» республикалық зерттеу жобалары мен шығармашылық жұмыстар конкурсының мектепішілік кезеңі өтті. Аталған байқауға 8 оқушы өздерінің ғылыми жобаларын ұсынып, білімге деген қызығушылықтарын, шығармашылық қабілеттері мен ізденістерін көрсетті.
Жас зерттеушілер түрлі бағыттағы жобаларын қорғап, өз ойларын еркін жеткізе білді. Қатысушылардың әрқайсысы тың идеяларымен ерекшеленіп, зерттеу жұмыстарына үлкен жауапкершілікпен дайындалғаны байқалды.
Байқау қорытындысы бойынша:
І орын — Талғат Дария
ІІ орын — Грицышин Анатолий
ІІІ орын — Маммедли Мадина
Сонымен қатар, қалған қатысушылар белсенділік танытып, жобаларын сәтті қорғағаны үшін арнайы марапатталды.
Осындай ғылыми жобалар оқушылардың зерттеушілік қабілеттерін дамытып, ғылымға деген қызығушылығын арттыруға үлкен мүмкіндік береді. Барлық қатысушыларға алдағы уақытта шығармашылық табыс, биік белестер мен жаңа жетістіктер тілейміз! 
