Нұра жалпы білім беретін мектебінде 20 наурыз Наурызнама онкүндігіне сәйкес Ұлттық ойындар күні кең көлемде аталып өтті. Іс-шараның мақсаты – оқушыларға қазақ халқының ұлттық ойындарын насихаттау, салт-дәстүрге деген құрметін арттыру және салауатты өмір салтын қалыптастыру. Мерекелік шара барысында оқушылар ұлттық ойындарға белсене қатысып, өз өнерлері мен ептіліктерін көрсетті. Атап айтқанда, «Арқан тарту», «Асық ату», «Қазақша күрес», «Тоғызқұмалақ» сияқты ойындар ұйымдастырылды. Әр ойын өз ерекшелігімен қызықты өтіп, қатысушылар арасында достық қарым-қатынас нығая түсті.