Бүгін М.Жұмабаев атындағы жалпы білім беретін мектеп-гимназиясында педагогтар арасында «Оқитын ұлт» жобасы аясында тестілеудің І кезеңі өткізілді.
Аталған тестілеуге ұжымның 50%-ы қатысып, жоғары белсенділік танытты. Бұл — мұғалімдердің кәсіби дамуға, үздіксіз білім алуға деген ұмтылысының айқын дәлелі.
Шараның негізгі мақсаты – педагогтардың оқу мәдениетін дамыту, кәсіби біліктілігін арттыру және кітап оқуға деген қызығушылығын нығайту.
Тестілеу барысында қатысушылар өз білімдері мен ой-өрістерін көрсете отырып, белсенділік пен жауапкершіліктің жоғары деңгейін танытты.
Оқу — дамудың, ізденістің және табыстың кепілі. Рухани бай, білімді ұрпақ тәрбиелеу жолында мұндай бастамалардың маңызы зор.