2026 жылғы 24 ақпанда Мағжан Жұмабаев атындағы ЖББ мектеп-гимназиясы жанындағы «Балдырған» шағын орталығының ұйымдастыруымен «Құзыреттілік өсу нүктесі: тиімді тәжірибелер» тақырыбында шеберлік сынып өткізілді. Іс-шараның мақсаты – педагогтердің кәсіби құзыреттілігін арттыру, тиімді әдіс-тәсілдермен тәжірибе алмасу және заманауи білім беру технологияларын насихаттау.
Шеберлік сынып барысында түрлі форматтағы жұмыстар ұйымдастырылды. Атап айтқанда, «Күн шуағы» психологиялық тренингі арқылы қатысушыларға жағымды ахуал қалыптастырылды. Storytelling және ойын технологиялары негізінде «Бауырсақ» ертегісі арқылы балалардың сөйлеу дағдыларын дамыту жолдары көрсетілді. Сонымен қатар «Пружина» театры, музыка әлеміне саяхат, ұлттық және дамытушы ойындар арқылы мектепке дейінгі ұйымдарда қолданылатын тиімді әдістер тәжірибе жүзінде таныстырылды.
Іс-шара аясында педагог пен бала арасындағы сенімді қарым-қатынас орнату, балаларға психологиялық қолдау көрсету тәсілдері бойынша кеңес берілді. Шеберлік сынып рефлексия кезеңімен қорытындыланып, қатысушылар өз пікірлерімен бөлісті.
Шара жоғары деңгейде ұйымдастырылып, қатысушыларға тәжірибелік тұрғыда пайдалы ақпараттар берілді. Бұл шеберлік сынып педагогтердің кәсіби дамуына серпін беріп, өзара тәжірибе алмасуға мүмкіндік жасады.
