Мектепке дейінгі тәрбие мен оқыту бірлестігінде “Кітаппен бақытты балалық” оқу сауаттылығы апталығы
Апталықтың бірінші күні «Кітаптар мемлекетіне саяхат» атты көңіл көтеру, флешмобпен ашылып, барлық топтар белсене қатысты. «Жұмбақ-көрме» бөлімінде балалар әртүрлі тақырыптағы жұмбақтарды шешіп, ойлау қабілеттерін дамытты.
Шағын орталық тәрбиеленушілерімен«Кітаптар дүкені» атты сюжеттік-рөлдік ойын өткізілді. Ойын арқылы балалар кітаптардың маңызын түсініп, сатушы мен оқырман рөлін сомдады.
Сонымен қатар “Ертегілер шоқжұлдызы” атауымен “Ешкі мен жеті лақ” ертегісі тыңдалды. Шағын орталық тобының бөбектері ертегіні қызығушылықпен тыңдап, кейіпкерлерге мінездеме берді. Балалар қасқырдың айласына сақ болу керектігін, бірігіп әрекет ету мен ананы тыңдаудың маңызын түсінді.
Балалар үлкен қызығушылықпен қатысып, шығармашылықтарын, зеректік қабілеттерін көрсетті. Іс-шаралар өте мазмұнды және әсерлі өтті.
