Сәуір айының он бірінші жұлдызында “Балбөбек” бөбекжайында “Мектеп жасына дейінгі балалардың танымдық-зияткерлік дағдыларын қалыптастыруда дамытушы ортаны қолдану” жас педагогтерге арналған облыстық семинар-практикум өтті.

Аталған семинарда біздің мектебіміздің мектепалды сынып тәрбиешісі Сыздыкбаева Э.Ж. “Қазақтың ұлттық ойыны - Бес кеней” тақырыбында өз тәжірибесімен бөлісті. Мақсаты: ұлттық ойындарды дәріптеу, балалардың танымдық-зияткерлік дағдыларды дамыту әдісімен бөлісу. Педагог ойын алаңына тәрбиешілерді шақырып, ойын ережесімен таныстырды. Ойын қызықты әрі нәтижелі өтті. Ойын соңында әр қатысушыға естелік ретінде киіз үй мүсіншесі таратылды.

Семинар барысында жас мамандарға балалардың танымдық-зияткерлік дағдыларын дамытудағы заманауи әдіс-тәсілдер ұсынылды.