АУЫЛ ОЛИМПИАДАСЫНЫҢ ЖЕҢІМПАЗЫ!!!
АУЫЛ ОЛИМПИАДАСЫНЫҢ ЖЕҢІМПАЗЫ!!!
Биылғы жылдан бастап елімізде алғаш рет ауыл мектептерінің оқушыларына арналған республикалық пәндік олимпиада өтті.
Ауыл мектептерінде оқитын оқушылар үшін бұл қуантарлық шешім. Бұндағы мақсат - ауыл мектептерінде оқитын оқушылардың білімдерінің ашық көрсетуіне толығымен жағдай жасау, бірдей мүмкіндік тудырту. Сол ауыл мектептерінен білімдерімен оза шыққан оқушыларды арнайы даярлап, оларды халықаралық деңгейдегі олимпиадаға қатысуға мүмкіндігін туғызу.
Ағымдағы жылдың қаңтардың 15-нен 18 –і аралығында Астана қаласында жаратылыстану-математикалық пәндер бойынша ауыл мектептері оқушыларына арналған жалпы білім беретін пәндерінің жаратылыстану-математикалық бағыты бойынша 1-ші Республикалық олимпиадасы өтті.
Осы олимпиадада М.Жұмабаев атындағы жалпы білім беретін мектебінің 11-сынып оқушысы Есет Дияр «Информатика» пәнінен республикалық олимпиадаға қатысып 3- орын иеленді. Жетекшісі : информатика пәнінің мұғалімі Жасұлан Азаматұлы
Мектептің мерейін арттырған оқушы мен ұстазды құттықтаймыз! Білім додаларында биік белестерді бағындыра берулеріңізге тілектеспіз!
