Қараша айының 2-ші жұлдызында «Маған Жұмабаев атындағы жалпы білім беретін мектебі» КММ-де «Нәтижеге бағытталған білім беру жүйесі» тақырыбында жаңа форматта педагогикалық кеңес өтті. Топтық жүйеде жоспарлы жасалған күн тәртібінде І-тоқсанның қорытындысы бойынша білім сапасы сараланды. Педагогикалық кеңесті шығармашылық топ ұйымдастырып өткізді. Мұғалімдер топқа бөлініп, постер арқылы өз ойларын қозғап, пікірлесті. Мектеп директоры Кулпаш Даукесовна Жанкуатова күн тәртібіндегі мәселелерді қорытындылай келе, қорғалған жұмысқа SWOT анализ арқылы талдау жұмысын жүргізуді ұсынды. Осы бағытта әр топ өзінің «S-мықты, W-әлсіз, O-мүмкіндік, T-қауіпты» туралы талқылап, өз ойларын ұтымды пайдаланып, қағаз бетіне түсірді Педагогикалық кеңес соңында SWOT анализге байланысты постер қорғалды. Педагогикалық кеңесті жаңа форматта өткізу алдағы уақытта да жалғасын табатыны сөзсіз.