Табиғат - күллі тіршілік атаулының қуатты қонысы, алтын ұя бесігі, құт берекесі. Күз адам баласына молшылық, береке әкелетін мезгіл. Сондықтан да, адамдар күзді берекелі күз, алтын күз деп баға береді. Күзде егінді жинап алатын болған ата-бабаларымыз «Сабан той» өткізіп, күз берекесін тойлап отырса, әрбір мектепте осы күз мерекесін тойлау, кештер өткізу дәстүрге айналған. Сол дәстүрді жалғастыра отырып, күз- байлық, күз- береке, күз-молшылық, күз- қуаныш екенін оқушы санасына жеткізу, өздеріне ерік бере отырып, ауызбіршілікке, ынтамықтастыққа баулу мақсатында 8-10 сынып аралығында қазанның 14-жұлдызында Мағжан Жұмабаев атындағы жалпы білім беретін мектепте 10-сынып оқушыларының жауапкершілігімен "Арайлы Алтын күз" атты мерекелік кеш өтті. Оқушылар іс-шараға белсенді қатысып, 8"А" сыныбы - сыныбы " ӨНЕРЛІ ТОП", 8"Ә" сыныбы- " КРЕАТИВТІ ТОП", 9"А" сыныбы - "ШЫҒАРМАШЫЛ ТОП" және 9"Ә" сыныбы - " ҮЗДІК ТОП" номинацияларына ие болды. Ал сынып жетекшілері АЛҒЫС ХАТТАРМЕН МАРАПАТТАЛДЫ.
