"Табиғат сақшылары" мектеп жанындағы лагерь
Р. Асубаев атындағы ЖББМ жанындағы лагерьде Күн балалардың көтеріңгі көңіл күймен жиналып, таңертеңгі жаттығу жасауынан басталды. «Табиғат сақшылары» тақырыбында қызықты танымдық-экологиялық іс-шара өткізілді. Балалар екі командаға бөлініп, табиғатты қорғау мен экологиялық білімдерін арттыруға бағытталған түрлі ойындарға қатысты.
Іс-шара барысында қатысушылар «Эко жағдайлар», «Жұп тап», «Орман отырғызу», «Табиғат дыбысын тап», «Ақиқат па, жалған ба?» және «Эко дизайнер» ойындарын ойнады. Ойындар арқылы балалар қоршаған ортаны қорғаудың маңызын түсініп, табиғатқа жанашырлықпен қарауға тәрбиеленді.
Белсенділік танытып, тапсырмаларды сәтті орындаған балалар іс-шара соңында дипломдармен марапатталды. Күн соңында балалар түскі ас ішіп, көтеріңкі көңіл-күймен үйлеріне қайтты.
