Р. Асубаев атындағы ЖББМ жанындағы жазғы лагерьде «Ұлттық мұра» күні ұйымдастырылды. Күн таңертеңгілік сергіту жаттығуларынан басталып, балаларға көтеріңкі көңіл-күй сыйлады. Іс-шара барысында оқушылар қазақ халқының ұлттық ойындары – бес асық, арқан тартыс, орамал тастамақ ойындарын ойнап, ептілік пен шапшаңдықтарын көрсетті.
Танымдық бөлімде балалар киіз үйдің ішкі құрылыстарымен танысып, оның бөліктерін қиып-жапсыру арқылы шығармашылық жұмыстар орындады. Сонымен қатар ұлттық өнерді дәріптеу мақсатында «Текемет» биін билеп, өз өнерлерін ортаға салды.
Өткізілген іс-шаралар оқушылардың ұлттық құндылықтарға деген құрметін арттырып, туған халқының мәдени мұрасы мен салт-дәстүрлерін тануға мүмкіндік берді. «Ұлттық мұра» күні қызықты, әсерлі әрі тәрбиелік мәні зор шара ретінде есте қалды.
Тәрбиешілер: Блялова З.М,Бекмағамбетова Д.Ж