Рәміздер – бұл жай ғана белгілер емес. Бұл – біздің өткен тарихымыздың, бүгінгі бақытымыздың және жарқын болашағымыздың көрінісі. Көк Туымыз, Елтаңбамыз бен Гимніміз – егемендігіміздің айнымас айғағы, ұлттық мақтанышымыз. Мемлекеттік рәміздерді құрметтеу – әрбір Қазақстан азаматының, әсіресе өскелең ұрпақтың қасиетті борышы. Рәміздерге деген құрмет Отанға деген сүйіспеншіліктен басталады. Еліміздің заңнамасы бойынша рәміздерді қорлауға жол берілмейді, ал оларды күнделікті өмірде мақтанышпен қолдану – отансүйгіштіктің белгісі.Біздің мақсатымыз – Көк Туды әрқашан биікте ұстау, Елтаңбамызды қастерлеу және Гимнімізді асқақтата шырқау. Рәміздеріміз бекем, тәуелсіздігіміз мәңгі болсын!