Нұра ауданының тәрбие жөніндегі орынбасарлары мен аға тәлімгерлерінің ұйымдастыруымен білім беру ұйымдарының арасында аудандық тимбилдинг іс-шарасы өткізілді. Аталған шараның негізгі мақсаты – қатысушылар арасындағы ынтымақтастықты нығайту, көшбасшылық қабілеттерді дамыту, командалық жұмыстың маңызын арттыру және тәжірибе алмасуға қолайлы орта қалыптастыру.

Тимбилдинг барысында: Білім бөлімінің әдіскерлері Ж.А. Тулеутаева, А. және мектебіміздің тәрбие ісінің орынбасары Л.Н.Культаева қатысушыларға сәттілік тілеп, шараны салтанатты түрде ашты. Мектебіміздің тәлімгері А.Ж. Маканова мен педагог-психологы А.Б. Шаймерденова қатысушылар арасында еркін атмосфера қалыптастырып, «Команда энергиясы» сергіту сәтімен ерекше көңіл-күй сыйлады.

Педагогтер 4 түрлі қызықты бекеттен өтті: «Логика» (С.Сейфуллин атындағы ЖБМ: М.А.Какенова, И.А.Куклева) «Шығармашылық» (А.Асылбеков атындағы ЖБМ: А.Б.Жадыгерова) «Сенім» (Байтуған ЖБМ: А.У.Бегимбекова) «Бірлік мұнарасы» (Шайменов ЖБМ: Т.С.Шашито) Шара соңында мектебіміздің педагог-психологтары Е.М. Кратович пен А.Б. Шаймерденованың жетекшілігімен «Тілек шамы» рефлексиясы жүргізіліп, қатысушылар бір-біріне жылы лебіздерін білдірді.Тимбилдинг жоғары деңгейде өтіп, барлық қатысушыларға кәсіби шабыт пен позитивті қуат сыйлады!