Мектеп жанындағы "Болашақ" жазғы лагерінің жұмыс жоспарына сәйкес, екінші күн «Спорт және денсаулық күні» бағытында ұйымдастырылды. Шараның басты мақсаты — оқушылардың денсаулығын нығайту, спортқа деген қызығушылығын арттыру және ұжымшылдыққа тәрбиелеу. Күн аясында балалар таңғы жаттығудан бастап, асық түстеріне сай екі топқа бөлініп,өздерінің топтарының жалаушаларын жасады және оны мектеп ауласына жасырды.Бұл ойынның шарты: жалаушаны қай топ бірінші табады. Топтар арасында «Көңілді старттар» спорттық ойыны мен түрлі бағыттағы эстафеталық жарыстар өткізілді. Оқушылар түрлі спорттық құралдармен (доп, құрсау) жұмыс істеуде жоғары белсенділік пен ептілік танытты. Іс-шара жоғары деңгейде өтіп, балалардың жазғы демалысын тиімді әрі қызықты өткізуге септігін тигізді.