Мектебімізде Отбасы күніне орай 4-7 сынып оқушылары арасында «Аяулы менің анашым» атты ән байқауы болып өтті. Шығармашылық шара ең ардақты тұлға — аналарға деген құрметті арттыру, оқушылардың өнерге деген сүйіспеншілігін ояту және жас таланттарды қолдау мақсатында ұйымдастырылды.Байқау барысында оқушылар ана туралы ең таңдаулы, жүрекке жылы тиетін туындыларды орындап, өздерінің вокалдық шеберліктерін ортаға салды. 4-сыныптардың балғын дауыстары мен 7-сынып оқушыларының кәсіби орындау мәнері көрермендер мен қазылар алқасын тәнті етті. Қатысушылар тек ән айтып қана қоймай, сахналық мәдениеті мен әртістік қабілеттерін де жоғары деңгейде көрсете білді.Байқау қорытындысы бойынша:Орындау шеберлігі мен ерекше дауыс ырғағы үшін жеңімпаздар мен жүлдегерлер анықталып, мектеп әкімшілігі тарапынан грамоталармен марапатталды.Әрбір қатысушы анаға деген шексіз алғысын әнмен жеткізіп, көрермендерге мерекелік көңіл-күй сыйлады.Аналардың мейірімі мен махаббатын дәріптейтін мұндай шаралар мектебімізде дәстүрлі түрде жалғасын таба бермек. Өнерлі оқушыларымызға шығармашылық табыс тілейміз!