15 қарашада мектебіміздің 7 сынып оқушылары мен география пәні мұғалімі З.Б.Сыздыкова Қазгидромет станциясына экскурсияға барды. Қазгидромет қызметкері Асем Жумабаева оқушыларға метеостанциясына экскурсия өткізді. Экскурсия барысында балалар, көптеген аспаптар, соның ішінде: термометрлер мен гигрометрлер бар психрометриялық будка, желдің жылдамдығы мен бағытын өлшеуге арналған аспаптар, жауын-шашын өлшегіш, топырақ термометрлері, флюгерлер және т.б. орнатылған метеорологиялық алаңды көрді. Сондай-ақ, бақылаулар өңделетін метеостанция ғимаратына да кіріп шықты.