Ағымдағы жылдың 4 наурыз күні Нұра ауданы білім бөлімінің ұйымдастыруымен М.Жұмабаев атындағы ЖББ мектеп‑гимназиясы базасында «Әже – ұлт тәрбиесінің алтын діңгегі» атты аудандық әжелер форумы өтті.
Бұл жиын ұлттық құндылықтар мен отбасы тәрбиесін жандандыруға арналған маңызды іс-шара болды. Аудандық форумға Нұра ауданының мұғалімдер кәсіподақ ұйымының төрағасы А.Х. Мустафин, ардагер ұстаз К.Д. Жанкуатова және Нұра ауданының «Әжелер ансамблі» қатысты.
Сонымен қатар қыз балалар мен жеңгелерге «Құрақтар сөйлейді», «Кәде-көңіл ажары» атты шеберлік сабақтары көрсетілді.
Форум аясында «Әже мен немере» аудандық байқауы ұйымдастырылып, әже мен немерелердің өнері мен шеберлігі көпшілікке ұсынылды. Байқау жеңімпаздары Нұра ауданының мұғалімдер кәсіподақ ұйымының атынан сыйлықтармен марапатталды.
