«Бақытым балалық шағым»
Маусымның 2 жұлдызынан бастап «Балауса» мектеп жанындағы жазғы демалыс лагері өз жұмысын бастады. Бүгінгі күн оқушылардың жан-жақты дамуына, адамгершілікке, көпшілдікке тәрбиелеуге бағытталған «Бақытым балалық шағым» атты тәрбиелік іс-шараға арналды.
Іс-шара дене шынықтыру жаттығуларынан басталды. Одан кейін шаттық шеңбері бойымен балалар бір-біріне «Жүректен жүрекке» жүрекше сыйлап, ақ тілектерін жеткізді.
Тәрбие сағаты барысында оқушылар белсенділік танытып, түрлі ойындар ойнады, сурет салып, топтық жұмыстар орындап, сұрақтарға жауап беріп, шығармашылық тапсырмалар арқылы өз ойларын ортаға салды.
Іс-шара «Бір шаңырақ астында» ұранымен өткізілген "Шаңырақ" жаттығуымен қорытындыланды.
