Қазан айында аталып өтетін мерекелер ішіндегі ең ұлық та, ұлағатты мерекенің бірі – «Ұстаздар күні». Осынау ерекше күнді атап өту мақсатында М.Жұмабаев атындағы ЖББМ білім алушылары ұстаздарға арнап мерекелік іс-шара ұйымдастырды. Мерекелік кеш шымылдығын мектеп директоры Жанкуатова К.Д. ашып, оқытушыларды төл мерекесімен құттықтады. Қызметте белсенділік пен жоғары жетістіктерге жеткені үшін Байпеисова Г.Е. аудандық құрмет грамотасымен марапатталса, мектебіміздің ардагер ұстаздарына арнайы сыйлық табыс етілді. Мерекелік кеш соңы оқушылардың дайындаған концерттік бағдарламасымен жалғасын тапты. Білім алушылар ұстаздарға арнаған ізгі тілектерін білдіріп, мерекелік көңіл-күй сыйлады.