Қазақ халқының ұлттық құндылықтарын келешек ұрпақтың бойына дарыту мақсатында мектебімізде 8-сыныптың ер балаларымен "Ер қанаты - ат" тақырыбында тәрбиелік кездесу өткізілді. Бұл кездесуге мектебіміздің "Аталар мектебінің" мүшесі Тусупбеков Қоянбай атамыз қатысып, балаларға қазақтың 7 қазынасының бірі, төрт түлік малдың киелісі - жылқы малы жайында жан-жақты әңгімелеп берді. Балалар жылқы туралы білгісі келген сұрақтарын қойды, ақсақал мағыналы да түсінікті жауап берді. "Ер қанаты - ат" демекші, балалар да өз кезегінде ақсақалға алғыс ретінде жылқы туралы мақал-мәтел, тақпақ-өлеңдерін жатқа оқыды. Қоянбай ақсақал да балаларға ризашылығын білдіріп, аталық ақ батасын берді.