«Таңшолпан» бөбекжайы» коммуналдық мемлекеттік қазыналық кәсіпорнында “Кітапtime”оқу сауаттылығы апталығының екінші күні «Кітап әлемінің кереметі» ұранымен өтті.

Күн «Сиқырлы кітаптар», «Қызыл кітаптың құпиясы» бейнероликтерін тамашалаумен және «Кітапқа сыйлық» шығармашылық әрекетімен басталды. «Ыдыс неден жасалады?», «Ыдыстардың жасалу тарихы», «Адамгершілік 15 минут» әңгімелерінде оқушылар тақырып бойынша білімдерін кеңейтті. Балаларға «Ыдыс-аяқ» дидактикалық ойындары мен «Мерекелік кешкі ас әзірлеу» рөлдік ойыны ұнады.

Балалардың кітапқа деген сүйіспеншілігін ояту және оқуға тұрақты қызығушылықты дамытудағы ата-ананың рөлін ескере отырып, педагогтер ата-аналарға «Бала тәрбиесіндегі кітаптың орны» тақырыбында кеңес өткізді.