«Таңшолпан» мектеп-бөбекжай кешенінде 2023 жылдың 24 қазан күні Республика күніне орай «Гүлдене бер, Республикам менің»  атты мерекелік ойын-сауық өткізілді. Іс-шараға  мектепалды  топтарының балалары қатысты.  Мерекелік іс-шара мынадай мақсаттарды көздеді: балалардың танымдық қызығушылығын арттыру, қазақстандық патриотизмге және өз Отанын сүюге тәрбиелеу. Іс-шара әнұран орындаудан басталды. Іс-шара барысында балалар Отан туралы қазақ және орыс тілдерінде тақпақтар оқып, «Отаным менің- Қазақстан» әнін орындады. Республика күні күзде өткендіктен Мерекеге Күз ханшайымы келіп, балаларды қуанышқа бөледі. Балалар әртүрлі музыкалық аспаптардан оркестр құрып, өз өнерлерімен қатысушыларды тамсандырды. Күз ханшайымына би билеп, ән айтты. Мерекелік іс-шара өте көңілді өтті.