«Қызықты математика»
Жоғарғы сынып білім алушыларының математикалық сауаттылығын арттыру бағытында және орта буын оқушыларының шапшаңдығын, есте сақтау қабілетін дамыту мақсатында Ә.Бөкейханов атындағы мектеп-лицейінде 9-сыныптарда «Қызықты математика», ал 4-5-сыныптар арасында «Көбейту, бөлу» жобасы орындалуда. Жобалардың негізгі мақсаты - оқушылардың математикаға деген қызығушылығын арттыру.
Жоба жұмысы арқылы оқушылардың ойлау қабілеттерін дамыта отырып, түрлі мәтінді есептерді шешудің тиімді әдістерін қолданып шығаруға машықтандырады. Сонымен бірге, жоба оқушылардың ҰБТ-ге дайындалуда көп көмек көрсетеді, себебі, мұнда кейбір күрделі есептерді бір жолмен тез арада шығаруға болатын формулалар қарастырылады.
Жоба барысында 9-сыныптарда апта сайын қосымша сабақ ұйымдастырылып, көптеген тақырыптар қарастырылады, әрі күнде what’s upp желісі арқылы тапсырмалар беріліп, оқушылармен кері байланыс жүргізіледі. 4-5-сыныптардан ай сайын көбейту кестесі алынып отырады. Үздіксіз көбейту кестесін алып, шығарып отыру балаларда жылдам шығару дағдысын қалыптастырады, жаңа ұғымдарды қабылдауға жол ашады.
