"Stem-тренд" бағдарламасы аясында Ә.Бөкейханов атындағы мектеп-лицейінде 2019 жылдан бастап “Гидропоника” жобасы қызмет атқарады. Мақсаты: Оқушылардың сабақта алған теориялық білімдерін, практикада яғни тәжірибе жүзінде көру, балалардың зерттеушілік қабілетін дамыту. Оқушыларды «Жасыл» экономика саясатын ұстануға,  жаңа технологияларды қолдануға мектеп қабырғасынан тәрбиелеу. Гидропоника — өсімдіктерді топырақсыз, жасанды ортада — қоректік заттардың судағы ерітіндісінде өсіру әдісі.  Мейлінше қысқа мерзімде құнарлы әрі мол өнім береді. Сонымен қатар, көкөністерді өсіру әдісімен таныстыру және өсімдіктерді дәстүрлі өсіруге қарағанда оның тиімділігін зерттеу. Жобаны іске асыру мақсатында гидропоника  зертханасы ашылды. Өсімдіктерді өсіруде қолданылатын ерітіндіні, субстрат ретінде малтатас, басқа материадарды қолдану арқылы қияр, аскөк, көк салат, райхан, көк жуа т.б. түрлерін өсіріп, өсімдіктердің вегетациялық кезеңдеріне зерттеу жасап, дәстүрлі өсіруден артықшылықтарын салыстырып отырып, оқушылар мен ұстаздар гидропоникада өсімдіктерді өсіріп, гидропонды өсірудің әдістеріне зерттеу жүргізуде.