Халықтың сапалы әрі қауіпсіз тағам өнімдерін таңдау мәселелері бойынша сауаттылығын арттыру, тағам өнімдерінің таңбалануын оқып түсіну бойынша тұрақты дағдыларды қалыптастыру және ұтымды тамақтану арқылы өз денсаулығына жауапты әрі саналы көзқарас қалыптастыру мақсатында ҚДСҰО БҰҰ-ның Азық-түлік және ауыл шаруашылығы ұйымының (ФАО) Қазақстан Республикасындағы Байланыс және әріптестік бюросының қолдауымен «Жапсырмаға 5 секунд назар аударсаң – денсаулығыңды сақтайсың» тақырыбында ақпараттық-ағартушылық бейнеролик әзірледі.
Бейнероликтің басты мақсаты – тұтынушыларға тағам өнімдерінің жапсырмасындағы ақпаратты дұрыс оқып, оның құрамына, жарамдылық мерзіміне және тағамдық құндылығына назар аударудың маңызын түсіндіру.
Денсаулық – әр адамның ең басты байлығы. Сондықтан күнделікті тұтынатын өнімдердің сапасына мән беріп, жапсырмадағы ақпаратты оқуды әдетке айналдырайық!
