Теміртау қаласы білім бөлімінің «Әлихан Бөкейхан атындағы гимназиясында» гимназия директоры Куралай Ақназарқызының басқаруымен

2022 жылдың 2 желтоқсанында «Өнегелі өмір» жобасы аясында жас мамандарды кәсіби баулу» тақырыбында  БАҰО «ӨРЛЕУ» АҚ Қарағанды облысы бойынша ПҚБАИ «Әдіснама және педагогикалық инновация» кафедрасының аға оқытушысы, СТО тренері, ұстаздардың  ұстазы -  Ғазиза Ғабдоллақызы Смагуловамен  қалалық танымдық-кездесу болып өтті.

Мақсаты:құндылықтар негізінде білім беру мақсатында жас мамандарға кәсіби қолдау көрсету, тәжірибелі мамандармен кездесу арқылы кәсіби біліктілігін жетілдіру болды.

Танымдық – кездесуде Ғ.Ғ.Смагулованың еңбек жолы жөнінде бейне таныстырылым көрсетіліп,  «Жас мамандарды құндылықтар негізінде кәсіби баулу» тақырыбында сыр-сұхбат өтті. Сонымен қатар «Эссе жазудың тиімді тәсілдері» тақырыбында қазақ тілі мен әдебиеті пәні мұғалімдері, педагог-сарапшы  Г.Б.Айкеева мен А.Дуйсенбай workshop өткізіп өз тәжірибелерімен бөлісті.

Танымдық - кездесуге қала мектептерінен 18 жас маман, гимназияның педагогикалық бейін бағытындағы  10-сынып оқушылары, Теміртау қаласы білім бөлімінің әдіскерлері  Е.К.Кудайбергенова, А.С.Тунгушбаева, Ж.Р.Тусупбекова қатысып, жас мамандарды кәсіби қолдаумен қатар болашақ педагог мамандары үшін кәсіби бағдарлы жоғары деңгейдегі танымдық-кездесу болды деп  қорытынды пікірлерімен бөлісті.

Калима Бопан

Танымдық-кездесу барысынан фото шолу