«Зиянды әдеттер ағашы» тәрбиелік іс-шара
15 маусым Р.Асубаев атындағы ЖББМ-де Нашақорлыққа қарсы күрес күніне арналған айлық жоспарына сай оқушылар арасында «Зиянды әдеттер ағашы» атты тәрбиелік іс-шара ұйымдастырылды. Шараның мақсаты – оқушыларға нашақорлықтың, темекі шегудің және басқа да зиянды әдеттердің адам денсаулығына тигізетін кері әсерін түсіндіру, салауатты өмір салтын насихаттау.
Іс-шара барысында оқушылар ағаштың бір бөлігіне зиянды әдеттерді жазып орналастырса, екінші бөлігіне денсаулықты нығайтатын пайдалы әрекеттерді жазып жапсырды. Балалар өз ойларын ортаға салып, зиянды әдеттерден аулақ болып, спортпен шұғылдану, дұрыс тамақтану және пайдалы істермен айналысудың маңыздылығы туралы пікір алмасты.
Жауапты: мектептің педагог-психологы Шаймерденова А.Б және әлеуметтік педагог Аргимбаева И. С.
