«Сыныптағы психологиялық ахуалды зерделеу» тақырыбында психологиялық жұмыс жүргізілді.
С. О. Талжанов атындағы негізгі орта мектепте 27 қазан күні педагог- психолог С.С.Алинованың ұйымдастыруымен ата-аналар арасында «Сыныптағы психологиялық ахуалды зерделеу» тақырыбында психологиялық жұмыс жүргізілді.
Жұмыстың негізгі мақсаты – ата-аналармен тығыз байланыс орнату, сыныптағы психологиялық ахуал туралы пікір алмасу, оқушылар арасындағы қарым-қатынас ерекшеліктерін анықтау және балаға қолайлы психологиялық орта қалыптастыру.
Кездесу барысында ата-аналарға баланың эмоционалдық жағдайына назар аудару, оның көңіл күйін түсіну, пікірін тыңдау, отбасында сенімді қарым-қатынас орнату мәселелері түсіндірілді. Сонымен қатар сыныптағы достық қарым-қатынас, өзара сыйластық, қолдау көрсету және буллингтің алдын алу жолдары талқыланды.
Психологиялық жұмыс барысында ата-аналар өз ойларымен бөлісіп, бала тәрбиесіндегі маңызды мәселелер бойынша пікір алмасты.
Отбасындағы жылулық пен мектептегі жағымды психологиялық ахуал – баланың бақытты болашағының негізі!
#Адал_азамат
#Заңментәртіп
#Біртұтас_тәрбие
#oqu_agartu_ministrligi
#altynsarin_akademiasy
#obb_qaragandy
#umckrg
#нұраауданыбілімбөлімі