"Ұстаздар күні" мерекесі
"Ұстаздар күні" мерекесіне 5- қазан күні оқушыларды жалпы адамзаттық құндылыққа бағыттайтын өзін-өзі басқару жұмысын жандандыру мақсатында "Дублер күні" өткізілді. Таңертең «Жас ұлан»ұйымының оқушылары ұстаздарды дәлізден қарсы алып, жағымды ахуал туғызды.Мектеп оқушылары ерекше қызығушылық танытып, «Дублер күніне» белсене ат салысты. Мектеп әкімшілігі мен пән мұғалімдерінің рөлін 10-11 сынып оқушылары атқарды.Дублёр күні оқушылар сабаққа ынта ықыласпен дайындалып, түрлі әдістермен тәжірибелер көрсетіп, төменгі сынып оқушыларын қызықтыра алды. Сабақтар сол күнге белгіленген кестеге сәйкес жүргізілді. Сабақтар мұғалімнің тақырыптық жоспарлауына сәйкес өткізілді. Оқушылар жауапкершілікті сезініп, өздеріне жүктелген міндеттерді толығымен орындады. Шара соңын қорытындылай келе, оқушылар "Дублер күні" алған әсерлері мен ұстаздық қызметтің қызығы мен қиындығы туралы өзара пікір алмасты. Директор рөлін 11-сынып оқушысы Асылбек Алмаз атқарды.Алмаз өз сөзінде мұғалімнің жұмысы оңай емес екендігін айтты. Мұғалімдер күні мерекелік концертпен аяқталды, онда оқушылар ұстаздарын кәсіби мерекелері – Мұғалімдер күнімен құттықтады.Мерекелік концертке ардагер ұстазымыз Смагулова Алмаш Ақышқызы шақырылды. Оқушылар ұстаздарға арнап тақпақ, өлең және би билеп өз өнерлерін ортаға салды. Дублер күні жоғары деңгейде өтті. Мерекелік концертке жауапты мұғалімдер бастауыш сынып мұғалімі Бисолтан Алмагүл,музыка пәнінің мұғалімі Шадит Айгуль,Зейнуллаева Назира және аға тәлімгер Саганаева Г.К мектеп әкімшілігі ризашылығын білдірді.
ДТІЖО: Майкенова М.К
ҚОББтәрбие
@uo_krg
#g.kozhakhmetoova
@buharjirau_raioo
